Oct 06 2026 | २०८३, आश्विन २० गते
२०८३, आश्विन २० गते
Oct 06 2026 | २०८३, आश्विन २० गते
नेपाल सम्वत् ११४६, बछलाथ्वः २ द्वितिया (६ बैशाख, २०८३, १९ अप्रिल, २०२६) आईतबार, बाँपिझ्याला । मध्यपूर्वमा युद्ध सुरु भएपछि इरानी अधिकारीहरूले लगाएको इन्टरनेट प्रतिबन्ध ५०औँ दिनमा प्रवेश गरेको छ। इन्टरनेट अनुगमन संस्था ‘नेटब्लक्स’का अनुसार इरान सात हप्तादेखि विश्वव्यापी इन्टरनेटबाट लगभग पूर्ण रूपमा अलग अवस्थामा रहेको छ, जसलाई उनीहरूले ‘डिजिटल प्रतिबन्ध’ को रूपमा उल्लेख गरेका छन्।
नेटब्लक्सले सामाजिक सञ्जालमार्फत जानकारी दिँदै यस्तो लामो समयसम्मको इन्टरनेट बन्दले आम नागरिकको दैनिक जीवनमा गम्भीर असर पारेको जनाएको छ। विशेषगरी रोजगारी, सञ्चार, शिक्षा तथा अन्य आधारभूत सेवामा निर्भर जनताले ठूलो समस्या भोगिरहेका छन्। यसले मानव अधिकारसम्बन्धी चिन्ता पनि थप बढाएको बताइएको छ।
उक्त प्रतिबन्ध फेब्रुअरी २८ मा अमेरिका र इजरायलले इरानमाथि आक्रमण गरेलगत्तै लागू गरिएको थियो। यसअघि पनि अप्रिल ५ सम्म पुगेको इन्टरनेट बन्दलाई इरानकै इतिहासमा सबैभन्दा लामो राष्ट्रव्यापी अवरोध मानिएको थियो। तर हालको अवस्थाले त्यो रेकर्डलाई समेत पार गरेको छ।
नेटब्लक्सका अनुसार विश्वमा यस्तो स्तरको इन्टरनेट अवरोध विरलै देखिन्छ। उदाहरणका लागि, उत्तर कोरिया कहिल्यै पनि पूर्ण रूपमा विश्वव्यापी इन्टरनेटमा जोडिएको छैन भने अन्य देशहरूमा भने सामान्यतया छोटो समय वा सीमित क्षेत्रमा मात्र प्रतिबन्ध लगाइने गरेको पाइन्छ।
युद्धको अवधिभर इरानको आन्तरिक इन्ट्रानेट प्रणाली भने सञ्चालनमै रहेको छ, जसले नागरिकलाई केवल घरेलु वेबसाइटहरूमा पहुँच प्रदान गरिरहेको छ। तथापि, अन्तर्राष्ट्रिय सञ्चार र सूचनाबाट अलग हुनुका कारण इरानी नागरिकहरू थप कठिनाइमा परिरहेका छन्।
१९९७–०७७–०७८
© 2026 All right reserved to bampijhyala.com | Site By : Sobij
