Oct 06 2026 | २०८३, आश्विन २० गते
२०८३, आश्विन २० गते
Oct 06 2026 | २०८३, आश्विन २० गते
कार्यालय प्रमुखको कुर्सीमा उनलाई देखेर चकित हुँदै प्रदीप बोल्यो - "दीपशिखा, तिमी ?"
निवेदन हातमा लिएको मान्छेले बोलाउँदा अक्मकिँदै दीपशिखाले नियाली । "तिमी …. ? प्रदीप होइन ?"
"हो नि ! सन्चै छौ ? कत्ति वर्षमा भेटियो है ! मेरो सौभाग्य !" प्रदीपको अनुहारमा खुसी छायो ।
तर उनको पहिरन देखेर अँध्यारो अनुहार लाउँदै प्रश्नमाथि प्रश्न ओइर्यायो प्रदीपले - "कहाँ , कहिले बिहे गर्यौ नि ?" ।
"पाँच वर्ष भयो ।" उनले सहजै जवाफ दिइन् ।
"तर तिमी बिना सहारा हिँडेकी देख्छु त !" उसको अनुहारमा उत्सुकता देखियो ।
" मेरो परिवार नै मेरो दह्रो सहारा हो । मेरो पति सवलाङ्ग भएर पनि मलाई जीवन दिएका छन्। उनको साथ र साहस नै मेरो शक्ति हो । " दीपशिखा दृद्दताका साथ बोलिन् ।
थोरै सन्नाटा पछि दायाँ खुट्टाको पाइन्ट माथि सार्दै नक्कली खुट्टाको भाग देखाउँदै बोलिन् - "तिमी यहाँ आउनुको कारण चाहिँ सोध्नै पो बिर्सेछु ।"
दोलखा – हाल-काँडाघारी काठमाडौं
१९९७–०७७–०७८
© 2026 All right reserved to bampijhyala.com | Site By : Sobij
