Oct 07 2026 | २०८३, आश्विन २१ गते
२०८३, आश्विन २१ गते
Oct 07 2026 | २०८३, आश्विन २१ गते
नेपाल सम्वत् ११४६, यंलाथ्वः १, प्रतिपदा (२७ भाद्र २०८३, १२ सेप्टेम्वर, २०२६) शनिवार, बाँपिझ्याला । ओपनर आसिफ शेखको शतकीय पारीको मद्दतमा नेपालले एसिसी प्रिमियर कपको फाइनलमा संयुक्त अरब इमिरेट्स (युएई) लाई ३१४ रनको लक्ष्य दिएको छ ।
मलेसियाको क्वालालम्पुरस्थित बायुमास ओभलमा टस जितेर पहिले ब्याटिङ गरेको नेपालले निर्धारित ५० ओभरमा ९ विकेट गुमाउँदै ३१३ रन बनाएको हो ।
नेपालका लागि विकेटकिपरसमेत रहेका ओपनर आसिफ शेखले १०६ बलमा ८ चौका र ४ छक्कासहित १०२ रनको उत्कृष्ट पारी खेल्नुभयो । यो उहाँको एकदिवसीय अन्तर्राष्ट्रिय क्रिकेटमा दोस्रो शतक हो ।
यस्तै, गुलशनकुमार झाले आक्रामक अर्धशतकीय पारी खेल्दै ३८ बलमा ४ छक्का र ३ चौकाको मद्दतमा ५२ रन बनाउनुभयो । एकदिवसीय क्रिकेटमा गुलशनको यो छैटौँ अर्धशतक हो ।
नेपालका लागि अर्जुन कुमालले ४३, कप्तान रोहितकुमार पौडेलले ४०, दीपेन्द्रसिंह ऐरीले १८, ईशान पाण्डेले १३ तथा बसिर अहमदले अविजित १५ रन बनाउनुभयो ।
युएईका इब्रार अहमदले ४ विकेट लिनुभयो भने खुजैमा तनवीरले २ तथा हैदर अली र अबीद उस्मानीले समान १ विकेट लिनुभयो ।
फाइनलको विजेता टोलीले सन् २०२७ मा आयोजना हुने एसिया कपमा खेल्ने अवसर प्राप्त गर्नेछ । नेपाल यससँगै दोस्रोपटक एसिया कपमा छनोट हुने लक्ष्यमा छ । नेपालले यसअघि सन् २०२३ मा एसिसी प्रिमियर कपको उपाधि जित्दै एसिया कप खेलेको थियो ।
१९९७–०७७–०७८
© 2026 All right reserved to bampijhyala.com | Site By : Sobij
