ताउ पिसिन् हाति तार्जु ? खोङ्गु पिसिन् हाति खोन्जु ? सिउ पिसिन् हाति सिर्जु ? उ दोखुनुं खँँ थिम्हा थिम्हा मिपे थउ थउ मनय् खँ खेउँ । गुनान् गिनागु मनकु टोङन् च्वन हङन् गुनेङ् मन दुपान उइँ मफगु ? आन्थि मन दुपान्तु ओङन् दोखुनु ज्येखँ सिदकेइ फय क्षमता दउजुर्स थन्हु उ द्वाल्खाय् ख्वाल खिङके तैमल्गु ब्यला मायाउजु ज्येउ सायद ।

थन्हु द्वाल्खाय् नुगर मस्याकु जे ज्येउ । थन्हु द्वाल्खान् पिपानय् मिपेन् ययेन् हातिङ् येङन् बियेउरा हङन्, गुनान् हाति ज्ये खँ येङन् बियेउरा हङन् पियेन् च्वइँ माबाल्गु जु ।

ब्वङ कुठी दकेइत, दर्खा दकेइत, मुलखा ल्वाप्ठोइँत, बुग्द्यउ टिक्रेत्केइत बाजे बराजु पिसिन् गुन्तं ग्वाहार म्वफोङन् गुन्केङ् भलसा माकायेन् भीमसेन द्यउय् आ–आपैं दोङ्गु लुङाय् खम्बापेन् गाडेङन् टिक्रेत्केयेन् आ–आपै सिङघ, घण्टा पेन् ल्वाप्ठोङन् ज्ये येरित थउ थउ साङत पासापेन् तु मिलै जुयेन् तु दकेय् खेउँ ले । उ खँ गिथि दिमाख कु मायार‘ले ?

थन्हु द्वाल्खाकु निस्सरत्या दँटुल्के द्वाल्खा दुपान हरसिद्धि प्याखन् हुकेइमल्गुजिन हङ खँ गुनानु्ं मनकु म्वटोङ ताक्कु थिम्हा पिपानय् देशय् घत्के इतिहासय् ज्ये खँ म्वालेन् लिङाउ थिम्हा मिसा मयजु लिण्डा इलिटस गुनुरि अमेरिकाय् वाशिङ्टन देशय ब्वङकुठीकु आखर ब्वंकेउ गुरुमान् नेपाल देशय् संस्कृति हो परम्परा त विशेष ख्याल तयेन् खँ प्रचार येङन् बिये लागिन् उ दँकु द्वाल्खाकु ताइँ धोंगु जात्रा परम्परा लितं पितकाइत दोखुसेनुं पहल येङन् जात्रा ङाकेर्जु तर उ जात्रा त ङाकेइिर ल्याखाःन् निस्ला सोंला हाखेनन्नसि येँ देशकु च्वंगु द्वाल्खाय् ड्वाकुन्दांगु येक्कु खँ सिउताउपिस्न नसि ल्यास्म्हा खलक हो ल्यासिमिसा खलक दोखुनु हाखेन ययेन् गुलि बाँलस्केइ हङन् ज्ये खँ सोङ खेउँ आम्लि ज्ये खँ ग्वयेकु येक्कु मिपिस्त चित्त स्यात्केय खँ सिदत ययन चोन ।

द्वाल्खाय् नाम दांकेइउरि ल्याखाःन् थउ छेंय् ज्येजितु त्वार्त खटैजु छिजि मुलुककु तु बाँलकु प्याखन् मि (कलाकार) भाजु मदन दास श्रेष्ठ, संस्कृति हो इतिहासविद् भाजु शान्त कृष्ण श्रेष्ठ, ल्यास्म्हा समाजसेवी हो छिजि नेवार देशय् डोबर य् क्वमूल्मि शान्त श्रेष्ठ, वकिल भाजु प्रवीण प्रधान, सामाजिक अभियान्ता आले बाँपिझ्याला मिडियाखेन्नलान् भाजु उपेन्द्र प्रधान, समय सान्दर्भिक मिडियालान् भाजु त्रिलोचन प्रधान्, द्वाल्खा म्यासमुचा खलकय् मयजुपेन् आले उ जात्रा त बाँलस्के क्वचल्केइत दाम न नसि मिपे ग्वाहार बित पहल येङन् दिउ भीमेश्वर नगरपालिकाय् मूलमि भाजु भरत बहादुर केसि, थउ तु ट्वालय् वडाय् मूलमि विराजमान श्रेष्ठय् नाइकेकु सोङ उ हरसिद्धि भवानीय् प्याखन् क्येइँरि ज्ये खँ कु ढ्याबा बियेन् ग्वाहार येकु गण्यमान्य भाजुपिसिन् घत्केङ् ड्वाकु ल्हाहा तयेन, ज्ये येङ दमु ।

इथि तु द्वाल्खा जायेन्दिउ पाउँना पासा पिस्त बल्न्हि डिंत व्यवस्था येङन्दिउ भाजु भगवानदास श्रेष्ठ, पूजाआजाय् लागिन् दोखुनुं व्यवस्था येङन् थाकतीय् ज्ये येङन्दिउ इतिहास विद् पूजारी भाजु यज्ञ कुमार प्रधान्, पूजाभ्वस् दकेइत ग्वाहार येङन्दिउ भाजु कृष्णकुमार श्रेष्ठनुं उ जात्राकु ड्वाकु ज्ये येङन् बिय् खोइँदत ।

उ जात्राकु देवगण खलककु जायेन्दिउ ललितपुर यल देशलान् बुढान्नसि ल्यास्म्हाटुल्केय् प्याखन् मिपिसिन् आनागु ताप्जु ब्यालाकु निभारकु पुत्के प्याखन् हुयेन् थउ थउ ज्ये बाँलस्के क्येङन्दिय् दउ हर्स, आमु प्याखन् हु प्याखन् मिपिस्त ग्वाहार बित जायेन्दिउ पिसिनुं घत्कें ड्वाकु ज्ये येङन् क्येङ खोइँदत ।
निस्ला सोँला हाखेनन्नसि दोखुबलेङ् खँ जाके च्वकेय येङ जुर्सं द्वाल्खाकु च्वङन् ज्येखँ बन्दोबस्ती येकुपे ल्याखाःकु सोर्न मन्न टोङथेँ ज्ये खँ येङ खोइँमदउकु घत्केथेँ मिपे ख्वाल चर्कोंगु खोइँमदउ सिदत । उ ज्ये खँकु हाति हाति कमि कमजोरी खोइँदत हर्स इसिन् उ ल्याखाकु खोन्गु,

गुरि कोबि सोइलौ
(१) यलय् देशलान् हाय् द्येउत पाखलतिय् भीमसेन् लुखालान् दुत येङन् देश उके भीमसेन द्यउकु थ्यंके कोब्न येइँ मल्गुजु, आमु म्वजुर,
(२) द्वाल्खा दुपानय् साँस्कृतिक मौलिक बाजा ठ्याङन् लसकुस येँगन् सगुन बाजा ठ्यारिमल्गु जु आमु व्यवस्था जु खोइँमन्त,।
(३) थउ देश दुपान जुइटेंगु सर्छित्या दँ हाबिय् हरसिद्धि भवानी माँय् जात्राकु भजन किर्तन् येँगन् लसकुस येत्केइमल्गु जु आमु जु खोइँमन्त,
(४) यलय् देशय् प्याखन् मुचापिस्त थाब्नलान् येँङन् नाश्वरकु स्याउदाकेइमल्गु जु आमु येँग खोइँमन्त,
(५) नकेइ तोन्केइकु लोखु तयेन् ल्हाहासिल्केइउिर हो तोन्केइ मल्गुकु ध्यान बिये खोइँमन्त,
(६) प्याखन् सोउपिस्त सुकुल लायेन्, फ्याक्टुके आनन्दन् सोकेइिर हङकुङ् ज्ये खँ तइिर हङ खँकु पालना येङ खोइँमन्त,
(७) बलिबिये डुकु, ठोमेस, गोँगर, फसि व हाँस त जिम्मेवारी व्यवस्थापन बाँलकु खोइँमन्त,
(८) च्वइँ त डिँत गुलि खँ हाबि जु खेउँ आमुथेँतु म्वजुर ।