Oct 09 2026 | २०८३, आश्विन २३ गते
२०८३, आश्विन २३ गते
Oct 09 2026 | २०८३, आश्विन २३ गते
‘थय् हाल खबर हाती दमुले ?’ थन्केसि येउसेतं ङेइलौ, ‘ हाती दयेउले ग्वा.. च्वन, नर्जु, हतिजुर, इथिजुर, बुँ ओन, स्वाँरा ओन बाँझो जुयेन् च्वंगु फुतौ खारा पटि सोर्जु येर…आम्लिंक,’ हकु थिथरिय् मिपेन् खोइँदमु हर्स मेबु थरिय् मिपिसिन् हतै कि…‘ हातियेरिले ग्वा औसै चच्छि न्हिच्छि घुस्ना तयेन् काल पियेन् च्वँइरिवा खेउँले, ज्ये येरिफउ हातिं मखे, ओसै छिपेन् थिनागु ल्हाहाकु फोन ज्वँगन् गुल्प काठमाडौं, गुल्प मधेस आले गुल्प उकु ययेन् संस्कृति म्वात्केइत पहल येरिमल हत्चु हति फोटो कार्जु, इथि मिपेन् पेमा ङामा ग्वार्मुन्जु, भातिचा खेंरा खेंरा हँगथेँ भाषण बिर्जु, आले केसीखुन्हु कुम्लो बुयेन् ओँगन्लि आमु ज्ये खँ दोन,…’ इथि खँ ल्हाइत ब्याला लत्केइफउ मिपिसिन् थउ ज्यान्न फये सये ज्ये येँगन् ओली धुन्दु ओल्तेचा हे जुर्सं लाबा पियेन् जिररा, लेन पाल्का पियेन् जिररा अथवा सुँय् चकटी थायेन् जिररा, पोँटय् ड्वाका, सुरी, चक्री व नाम्खी थायेनुं थउ प्याटा लहिं फरैले ।
छय्पेन् कोरीया, जापान, अमेरिकाकु च्वंगु भक्ता लायेन् जुकुन् वा प्याटा माखाजेउ पक्का तु, बरु आमे सट्टा सर्सं मसर्सं भजन पाटीकु ओँगन् ताल बउल ठ्याङन् द्यउय् नाम कायेन्च्वन्सं फलिफाप जुयेउजेउ ।
भन् आउ वा चुनाप नाप नाप येयेन् च्वन, दोखुसेनु म्ये हलिउरि थउथउ पार्टीय् तु खेउँ, तर येल्पनुं मेबे म्ये ङेङन् आमु तु ढोलकय् तालकु प्याखन हुयेन् च्वँगन् खाली थिप्याटा नइत जुकुन् गकु ल्याखाय् म्ये व प्याखन् जुर हर्स आमु प्याखन क्येंगु व सेंगु मिपिस्त बाँलस्के थउ खँ तयेन् थिगुर ठाइँ दोखुनुकु गकु दोखुसेत ज्ये लगैजुज्ये खँ गुनान् येरिफरै हायेन् बिरै हर्स बाँलस्के दुमन्न थुयेन् जुकुन् लिखन जुइ सकेइलौ । खाली दोप्टाकु च्वँगन् उन् इथि हत्चु, थुन् थिथि हत्चु, पिपानलान् बेस्न ढ्याबा हायेन् मस्ती येतहिन् आले उकु ज्ये क्येइँत ययेन् पूर्ति यैँगन् हाती ज्येले ? हँग थिनागु चिचा मन येरि त्वार्तर्स छिजि ठाइँ बाँलरेउ रा !
१९९७–०७७–०७८
© 2026 All right reserved to bampijhyala.com | Site By : Sobij
