उ देशकु पुलिसपे गुलि बल दउजिन, पुलिसन गुलि बाँलस्के थउ डिउटी येकुजिन हँग खँ थन्हु बानेश्वर संसद कुठीय् छेँ हाखेन तये थिगर जा केँ छुईत खुइँत छ्याले प्रेसर कुकुर न येँचके क्येन्जु । न्हिच्छि न्हिच्छि कठी ज्वङन् थउतु दाजुकिँज नेपाली पिस्त लियेन् लियेन् डाकेइत ख्वबि हाकेउ ग्याँस ककेइत लिमलकु पुलिसपे बगाल हाखेन छ्वइत आदेश बिउ नक्ति व चुपीय् चिन्ह तयेन् ड्वाक्कु पदकु च्वंगु पुलिसय् डिएसपि, इन्स्पेक्टर पे मूल कुठी जउ खउकु दके दकेङ् थिगर भाँडा तयेन् दोखुसेतं ख्याङन् बम च्वन हङ संकेत बिउ मि आपैँ मूल सटककु हतिइथि ब्वाकु तु म्वखोंगु पुलिस न हातीउरि सुरक्षा बि फउजिन हङ खँ खोइँदत ।

नेतापिसिन् जनता त झिम्न्हिस्लातु साप्याखन् क्येङन् हुहु जाङल दके च्वनहिन् । आम्देपान् प्रकृतिन् गुल्प धुर्पु छ्वयेन् खोकेरै, गुल्प भुखाप ययेन् बिचल्ली येङन् बिरै, गुल्प जाउ मदिके वा ययेन् दिक्क चाकेरै । उ त मौकाकु गुनुं मिपिसिन् काइफक्कु ढ्याबा कायेन् वेपार येङन् नुगर हियेकेबिरै, झन् नेतापिसिन् थउ स्वार्थय् लागिन् काताबरी म्येथये थेँ मिपिस्त लोखुकु मिखान् क्वंकेरै ।
एमिसिसीय् खँ लायेन् खिङौ छेँरिकु तइफक्कु तयेन् लिखन ययेन् थउ तु खड्ग हत्तर्कायेन् थउ दकेय् नियम मिचेङन् लिङारहिन् । आले यिनागु खेलाडी दउ देशकु चिचा सोझोपेन् गिथियेङन् म्वारेउले ?

हाति उ देश २र३ सय नेतापे जुकुन् देश खेउँरा.... ? नेपाल देशय् लागिन् एमसिसी गुलि जिर मजि हङ खँ दोखुनु नेतापिसिन् हँगन् च्वँग उ ब्यालाकु दुपानरि खँन् ठिक्क पारेङन् मिपिस्त चुनावकु भोट फोइँत जुकुन् म्येथके तउ नेतापिस्त प्रेसर कुकरकु तारतयेन् ख्यारिउरि जुकुन् मखे कि प्रेसर कुकरकु बम तु तयेन् गलकु यार्खायेन् टुँडिखेलय् दातिकु लाइन तयेन् मुकेइमल्गु ब्याला ययेन् च्वन । उकु गुनुं नेता त जन नेता इसि नेता बाँलकु हँगन् न्हास ड्वाकके च्वइँमल्गु मद, थउ थिम्हा जहान त जागीर बियेन्तरै थिछाक नकेइत यलेङ् सत्तयेन् येनै हत्नसिन्तु आमु तु नेताय् बामलकु मभिंगु ज्ये खँ त ट्वाप्चियेन् आमेतु झण्डा ज्वङन् लिङाइरि खँ बाँलकु मखे हङन् थुकेइ मल ।