नेपाल सम्वत् ११४६, बछलागाः ९ नवमी (२८ बैशाख, २०८३, ११ मे, २०२६) सोमबार, बाँपिझ्याला । थनु सोयन ङैसोदँ हाखेन प्रा.डा.श्याम जोशीन् द्वाल्खाय् नेपाल (नेवार) भाषाकु चोयनदिय् “मिसामी” प्याखन आधुनिक प्रविधिये विकास नापनाप लितङ थिताल नामजाके ययन चोन । हाखेन हाखेन चोईरीकु जुकुन सिमित जुउकु आउ उ प्याखन साफरलान् प्याखन आले वय नाप नापङ सोङ्गुकिपा (डकुमेन्ट्री) कु न्हुलु पुस्ताये दातिकु थेई फय खोईदत ।

साहित्यकार अमरकुमार प्रधानन् ताङन ओङन छ्याली त कत्मछीन् कत्मछीन्न साफरये पाण्डुलिपीपेन ग्वारमुङन थिगुर साफर पित कायेन्ली दोश्रा जिवन नाप लङ खेउ । द्वाल्खा नेपाल (नेवार) भाषा हो नेपाली खस् भाषाकु उ कृति भाषा संरक्षणये पक्षकु गत्केङ महत्वपूर्ण पाराक जुयेन चोन । उ छिजि दोखुनुसेनुङ बाँलकु टोईतु मल ।

उ प्याखन त द्वाल्खाये थाब्न बजारये सेङ डोबरलान् येँय् राष्ट्रिय नाचघर प्याखन छेँ थेन्केईरी ज्य खँ द्वाल्खा नेपाल (नेवार) भाषाकु विद्यावारिधि यङन् दिउ अमेरीकन नागरिक भाषाविद् क्यारोल जिनेट न यङन दिये खेउ । सायद उन ग्वाहार मयेङ जुर्स थनु सोङ्गुकिपा उकु टुल्ले थेई मफउजुज्यउ उ “मिसामी” प्याखन । उ जुय्लागिन् ग्वाहार यङन दिउ क्यारोल त बाँपिझ्याला मिडिया हो छिजि द्वाल्खावासीये खेन्नलान् सुभाय् विईतु मल । आन्थीतु कलकारये भुमीका म्येथदिउ द्वाल्खा दुपानाये पिपानाये दाजुकिंज, तिताकेहेपिस्ततङ छिजि खेन्नलान् सुभाय् ।

सोङ्गुकिपा (डकुमेन्ट्री) ये रुपकु मेह्ग काठमाडु क्यूएफएक्स राइजिङ मलकु उ सोङ्गुकिपा ब्वकेर्जु । उ द्वाल्खावासी हो मा भाषाये विकास पाराककु गत्केङ बाँलकु खँ खेउ । द्वाल्खा दुपान हो पिपानाये गत्के भाषा त मत्याकुपिसिन् ब्व कायन तउजु ।

डा. भाजु श्याम जोशीन् द्वाल्खाये नेपाल (नेवार) भाषा, संस्कृति हो सामाजिक परिवेश त बाँलस्के केई म्वाल खँ उ प्याखनये सन्देश विये दमु । सोङ्गुकिपा सोयन दिउपिसिन् “मिसामी” प्याखन त मनरञ्जनय् लागिन् जुकुन मोजुयन मा भाषाये प्याखन हङन खुसी चाय खँ दमु । ईथितु छिजि मा भाषाये संरक्षण हो विकासये लागिन् थउ फये फयेथे ग्वाहार यङन संरक्षण यरी मल हङ ईसि थउ खँ दमु नकी ढ्यावा ग्वाहार यर्ङ जुकुन । 

यल्पनुङ बर्जवतीथे निरन्तर हायन चोङथे ग्वाहार यङन उईमल हङ कामना नाप नापङ छिजि दोखुसेत सुनिय् भिङ्गु टोङ नाप नापङ थनुये न्हि बाँलकु थोजु हङन् द्वाल्खा भीमसिन् देउकु आशिक फोङन चोनगु । जय द्वाल्खा भीमसीन् देउ । जय द्वाल्खा ।।